آذربایجاندا اؤلوم چنبرهسی کیمی هر گون بؤیویوب و قاتیلاشان، قوروموش اورمو گؤلوندن قالخیب آذربایجان شهرلرینی بورویهن دوز فیرتینالاری شهرلری دوزا باسدیریر.
بوگون، ۲۱ مهر آیی دوز فیرتیناسی آذربایجان هاواسینی بیر چوخ شهرده بولاندیریبدیر. تبریز و شرقی-غربی اوستانلارین مختلف شهرلرینده او جوملهدن قوشاچایدا دوز فیرتاناسی یولا دوشوبدور.
بو شهرلرده، اهالینین بیلدیردیکلرینیه گؤره هاوا دوز بولانتیسیندان دولایی تنفس اوچون زورلو شراییط یارانیبدیر.
اوزمانلارین دفعهلرجه دئدیکلرینه اساسا، یاخین زاماندا قوروموش اورمو گؤلونون اطرافی یاشماق اوچون اویغون یئر اولمایاجاغینی و اهالینین کؤچ مجبوریتینده قالاجاغینی وورغولاییبلار.
کئچمیش هفتهلرده دوولت مسئوللاریندان بو کؤچمک مسئلهسینین باشلاندیغی بیلدیریلیب و کئچمیش آیلاردا کؤچمگه باشلایان اهالی واردیر.
بو فاجیعهلی واقعه هاوا، سو و اکین توپراقلاریندا دوز درجهسی چوخالیبدیر و اؤزللیکله نفس آلماغی تهلوکهلی نقطهلره یئتیشیبدیر.
دوز فیرتینالاری هرگون کئچدیگجه داها قالین، بؤیوک و تهلوکهلی دوروم آلماقدادیر.
بو بیر حالدادیرکی رسانه و دوولت وریندن اولایین گئدیشاتی حاقدا دوغرو دوزگون بیلگی وئریلمیر. اهالی بو بیلگیلرین دولت وریندن گیزلی ساخلانیلماسی قناعتیندهدیر.
